SHINLAB

Դասընթացի նպատակն է` ուսանողին սովորեցնել տրանսպորտային թունելների և մետրոպոլիտենի դասակարգումները, երկայնական և լայնական պրոֆիլների տարրե­րը, գեոդեզիական և ինժեներա-երկրաբանական հետազոտու­թյուններին ներկայացվող պա­հանջները, լեռնային ճնշման որոշման և թունելային երեսարկների կոնստրուկ­ցիան­ների նախագծման սկզբունքները, ինչպես նաև տրանսպորտային թունելների և մետրո­պոլիտենի շինարարության տեխնոլոգիայի և կազմակերպման առանձնա­հատկու­թյունները:

Դասընթացում դիտարկվում են գեոդեզիական ժամանակակից սարքերի տեսակների, տեխնիկական լուծումների, կառուցվածքների, շահագործման, ստուգումների, աշխատանքի, ուղղումների, նկարագրման, չափման մեթոդների, հիմնախնդիրների, և դրանց վերլուծության, մոդելավորման և տեղեկատվության արտացոլման ուսումնասիրության վերաբերյալ հարցերը:

Դասընթացը սովորեցնում է ավտոճանապարհների նախագծման հիմնական սկզբունքները՝ հաշվի առնելով ՀՀ -ում գործող <<Ավտոմոբիլային ճանապարհներ>> ՀՀՇՆ IV-11.02.02-99 շինարարական նորմը: Ծրագրով նախատեսված է երեք կիսամյակ:

Դասընթացի նպատակն է ուսանողներին ներկայացնել լեզվի էության, գործառության ու զարգացման հիմնական օրինաչափությունները, հնչյունական, բառային, ձևաբանական և շարահյուսական համակարգերի ընդհանուր առանձնա­հատկու­թյունները, դասակարգման հիմնական սկզբունքները: Բացի այդ դասընթացի նպատակն է նաև սովորեցնել հրաժարվել ոչ գրական բառերի կիրառությունից, կարողանալ խոսքը շարահյուսորեն անսխալ կառուցել, ամրապնդել ինքնուրույն  աշխատելու, որոնելու հմտությունները:

Դասընթացի նպատակն է ուսանողին ծանոթացնել կառույցների և միջավայրի գեղարվեստական արտահայտչականության նշանակության, ծավալատարածական հորին­վածքի ճակատային, ծավալային և խորատարածական լուծումների հիմնական տեսակների, միջոցների, հատկանիշների և օրինաչափությունների հետ, որոնք կօգնեն ապագա ճարտարապետին հետագա նախագծային աշխատանքներում հորինվածքային խնդիրների լուծման համար:

Դասընթացի նպատակն է ձևավորել առաջադեմ տեխնոլոգիական գիտելիքներով օժտված ապագա տեխնոլոգներ: 

Առանց կապակցող նյութերի հնարավոր չէ կառուցել արդյունաբերական, բնակելի ու հասարակական կառույցներ, կամուրջներ, թունելներ և այլ շինություններ: Դրանցում կապակցող նյութերը կատարում են առանձին տարրերի միացման դեր կամ կազմում են շինության բաղադրիչ մասը նաև կիրառվում են դրանց պատրաստման տեխնոլոգիայում: Ուստի դասընթացի խնդիրն է ուսանողներին մատուցել կապակցող նյութերի արտադրության տեխնոլոգիական հիմունքների վերաբերյալ տեսական գիտելիքներ:

Ուսումնասիրում է իդեալական առաձգական և պլաստիկ մարմիններում լարումների, դեֆորմացիաների և տեղափոխությունների դաշտերի փոփոխման օրինաչափությունները, կախված մարմնի նյութական կետերի կոորդինատներից, արտաքին ազդեցություններից, ժամանակից, մարմնի ամրացման պայմաններից և նյութի հատկություններից: 

Դասընթացը նախատեսված է անգլերենի տարրական գիտելիքներ ձեռք բերելու համար: Դասընթացի հիմնական նպատակն է ուսանողներին տալ անգլերենի հիմնական գիտելիքներ՝ միաժամանակ զարգացնելով խոսելու, գրելու, լսելու և կարդալու լեզվական չորս հմտությունները, ինչպես նաև ապահովել լեզվական հիմք հետագա մասնագիտական անգլերենի խորացման և ընկալման համար:Դասաժամերը բացառապես գործնական են և ինտերակտիվ:  

Դասընթացի նպատակն է ուսանողներին տալ ժամանակակից պատկերացում քիմիա առարկայի մասին` որպես ճշգրիտ գիտություն ատոմամոլեկուլային տեսության, տարրերի պարբերական համակարգի, քիմիական կապերի,  քիմիական ռեակցիաների, թերմոդինամիկայի օրենքների, քիմիական կինետիկայի, անօրգանական կապակցող նյութերի, շինարարությունում օգտագործվող օրգա­նական նյութերի, բետոնի կոռոզիայի վերաբերյալ:

Աշխատանքի էկոնոմիկան տնտեսագիտության ինքնուրույն ճյուղերից է, որն ուսումնասիրում է առանձնահատուկ շուկայի գործունեությունը, որտեղ ապրանքի դերում հանդես է  գալիս աշխատուժը. Բոլոր ժամանակներում, յուրաքանչյուր տիպի տնտեսության մեջ աշխատանքը միշտ մնում է որպես արտադրական գործոն։ Ֆիրմաների համար աշխատանքը դիտարկվում է որպես արտադրական գործոն, իսկ աշխատուժի համար՝ գոյության միջոց։  Աշխատանքի էկոնոմիկայի մեթոդաբանությունը կիրառվում է պետական ​​միջոցառումների  մշակման ժամանակ, որոնք ուղղված են աշխատանքի շուկայի գործընթացների կարգավորմանը։

Դասընթացի նպատակն է ուսանողներին փոխանցել հայրենական և օտարերկրյա ձեռնարկությունների կառուցվածքային, տնտեսագիտական, վարչարարական, սոցիալական, իրավական, ֆինանսական հիմնահարցերին վերաբերող գիտելիքներ, հմտություններ և կարողություններ այն ծավալով, որը կապահովի նրանց արդյունավետ մասնագիտական գործունեությունը ապագայում և/կամ ուսումնառության մյուս փուլում:

Դասընթացի նպատակն է մագիստրատուրայի ուսանողներին հաղորդել հիմնավոր և կայուն գիտելիք­ներ կոմպլեքս փոփոխականի ֆունկցիաների տեսության և մաթեմատիկական ֆիզի­կայի հավասարումների մեթոդների վերաբերյալ և նրանց մոտ զարգացնել հմտու­թյուն­ներ արդյունավետ կիրառելու այդ մեթոդները մասնագիտական ճարտարագիտական խնդիրներում, ինչպես նաև զարգացնել վերլուծական մաթեմա­տի­կա­կան ընդունակությունները:

իդրոլոգիա և հիդրոմետրիա դասընթացը նախատեսված է Շինարարության և Քաղաքային տնտեսության ֆակուլտետների ուսանողներին բնակավայրերի գետային համակարգերի, հիդրոլոգիական հաշվարկներ կատարելու, չափումներ կատարելու մեթոդների և գործիքների ու սարքավորումներ վերաբերյալ ուսուցանելու նպատակով:

Դասընթացի նպատակն է` ուսանողներին ծանոթացնել նյութերի դիմադրության հիմունքներին, նյութերի ֆիզիկամեխանիկական բնութագրերին, դրանց որոշման մեթոդներին, մարմնի կետում լարվածադեֆորմացիոն վիճակներին, լարումների և դեֆորմացիաների որոշման մեթոդներին: Ուսանողներին սովորեցնել կառուցվածքների տարրերի հաշվարկների հիմնական հիմունքներին, ըստ ամրության, կոշտության և կայունության, և պատրաստել մասնագետներ, ովքեր կկարողանան ստեղծել ժամանակակից կառուցվածքներ` տեխնիկայի բոլոր ճյուղերում:

Դասընթացի նպատակն է ուսանողին սովորեցնել կամուրջների պահպանման համակարգը, կամուրջների վրա շահագործական սարքավորումները, կամուրջների հետազոտման եղանակները, կամուրջների շահագործման և վերականգման դասական և նորագույն տեխնոլոգիաները:

Դասընթացի նպատակնև խնդիրներն են է ուսանողներին ծանոթացնել ժամանակակից շինարարությունում լայն կիրառում ունեցող երկաթբետոնե, մետաղե, փայտե և քարե կոնստրուկցիաների նախագծման սկզբունքներին, ինչպես նաև գիտելիքներ տալ կոնստրուկցիաների հաշվարկային մեթոդների վերաբերյալ:

Դասընթացի նպատակն է ուսանողին տալ հողային կադաստրի, դրա նպատակի, խնդիրների և գործունեության ոլորտների, հողերի գնահատման, գրանցման, հաշվառման ձևերի, հողային օրենսդրության, հողակադաստրային տեղեկատվության հավաքման, մշակման, վերլուծման, անհրաժեշտ տեղեկատվական բազայի կազմման, տեղեկատվության տրամադրման վերաբերյալ գիտելիքներ:

Դասընթացում դիտարկվում են հողային կադաստրի տվյալների ստացման, մշակման և վերլուծության ՀՀ հողային ֆոնդը, ՀՀ-ում գործող իրավունքի տեսակները, դրանց  պետական գրանցումը, գրանցման առանձնահատկությունները, գրանցման և գրանցման մերժման հիմքերը, գրանցման հիմնական փաստաթղթերը, կադաստրի վարման առանձնահատկություններն ու հիմնախնդիրները, որոնք անմիջականորեն վերաբերվում են հողային և քաղաքային կադաստրի բնագավառին:

Դասընթացի նպատակն է՝ ծանոթացնել ուսանողներին գրունտների տեսակներին, նրանց ֆիզիկամեխանիկական հատկություններին, գրունտների լարվածադեֆորմացիոն վիճակներին, լարումների և նստվածքների որոշման մեթոդներին, գրունտների վրա սկզմբնական և սահմանային ճնշումների որոշմանը, հիմքերի տեսակներին և դրանց հաշվարկմանը մեթոդներին  և այլ հարցերին:

Դասընթացի նպատակն է ուսանողին սովորեցնել բարդ պայմաններում ավտո­ճա­նա­պարհների նախագծման առանձնահատկությունները, քաղաքային փողոցների, այդ թվում նաև տրանսպորտային հանգույցների, լեռնային ճանապարհների նախա­գծման առանձնահատկությունները, ինչպես նաև ծանոթացնել ճանապարհի աշխա­տանքի հուսալիության և անվտանգության մեծացման համար իրականացվող մի շարք միջոցառումներին:

Դասընթացի հիմնական նպատակն է սովորողներին ներկայացնել Երկրատեղեկատվական համակարգերի կիրառության հնարավորությունները և ուղիները, ծանոթացնել ԱՏՀ-ում օգտագործվող հիմնական գործիքակազմին։ 

Դասընթացի նպատակն է ձևավորել գիտելիքներ լոգիստիկա առարկայի վերաբերյալ, ներկայացնել լոգիստիկայի մեթոդոլոգիական հիմքերը, հիմնական հայեցակարգերը և արդի լոգիստիկական մոտեցումներն ու մոդելները: Ինչպես նաև զարգացնել հմտություն ինքնուրույն կազմելու արդյունավետ և մրցակցային լոգիստիկական համակարգեր և շղթաներ տարբեր կազմակերպությունների բիզնես գործունեությունների համար, հաշվարկել տվյալ մոդելների կիրառման ֆինանսական հոսքերը և հիմնավորել ֆինանսական հաշվետվությունների արդյունավետությունը: Դասընթացում դիտարկվում են տնտեսության տարբեր բնագավառների կազմակերպությունների ապրանքաշարժի և նյութատեխնիկական մատակարարմանը վերաբերող հիմնախնդիրներ:

Դասընթացի նպատակն է ուսանողներին ծանոթացնել տնտեսագիտության հիմունքներին, գլխավոր հասկացություններին, ծանոթացնել շուկայի ֆունկցիաների և գործիքների հետ ,փողի ծագման պատմությանն ու ժամանակակից ֆունկցիաներին: Դասընթացի շրջանակում ուսումնասիրվում են հիմնախնդիրները, որոնք վերաբերվում են տնտեսական հարաբերություններին ու մարդկանց արտադրական ու անձնական պահանջմունքներին, առաջարկին ու պահանջարկին, դրանց հավասարակշռությանը և այլն::

Դասընթացի նպատակն է արտադրության էկոնոմիկայի բնագավառում գիտելիքների , ինչպես նաև շինարարական արտադրության կազմակերպման, կառավարման համակարգի առանձնահատկությունների, շինարարության աշխատանքային ցիկլերի, հոսքային և ոչ հոսքային մեթոդների,  շինարտադրության օրացույցային պլանավորման, ցանցային գրաֆիկների վերաբերյալ կիրառական հմտությունների տրամադրումը:

Դասընթացի նպատակն է` անշարժ գույքի գնահատման մեթոդաբանության վրա կառուցված դասավանդումը` զարգացնելու և որակական նոր հարթության վրա բարձրացնելու ուսանողների գնահատման կարողությունները և հմտությունները:

Դասնթացում նկարագրվում է տրանսպորտային միասնական համակարգի էության, տրանսպորտի տեսակների առանձնահատկությունները և նրանց աշխատանքների կոորդինացումը:

Դասընթացի նպատակն և խնդիրներն են է ուսանողներին ծանոթացնել ժամանակակից շինարարությունում լայն կիրառում ունեցող երկաթբետոնե, մետաղե, փայտե և քարե կոնստրուկցիաների նախագծման սկզբունքներին, ինչպես նաև գիտելիքներ տալ կոնստրուկցիաների հաշվարկային մեթոդների վերաբերյալ: Ծանոթացնել կառույցների հատվածքների ամրության և կոշտության գաղափարի հետ, ինչի շնորհիվ կարելի է ապահովել շենքերի և կառուցվածքների հուսալի աշխատանքը շահագործման ու հատուկ բեռնվածքների՝ երկրաշարժերի, պայթյունների, հրդեհների և այլն, ազդեցության դեպքում և վերջին հաշվով ապահովել մարդկանց անվտանգությունը, որը տվյալ մասնագիտության հիմնական խնդիրն է:

Դասընթացի նպատակն է ծանոթացնել ուսանողներին երկաթբետոնե կոնստրուկցիաների աշխատանքի առանձնահատկություններին, ինչպես նաև գիտելիքներ տալ դրանց կիրառման ոլորտներին մասին:

Դասընթացի նպատակն է.

• ուսանողի մոտ ձևավորել գիտելիքներ էլեկտրահա­մա­կար­գը կազմող տարրերի՝ էլեկտրակայանների, տրանսֆորմատորային ենթակայանների, հաղորդալարերի, չափիչ սարքերի և պաշտպանիչ սարքերի վերաբերյալ,
• ուսանողներին ծանոթացնել ժամանակակից շինարարական հրապարակների էլեկտրամատակարարման առանձնահատկություններին, նորակառույց շենքերի և շինությունների էլեկտրամատակարարման, էլեկտրական շղթաները կազմող էլ. սարքավորումների առանձնահատկություններին, էլեկտրական ցանցերի շա­հա­գործ­­ման, էլեկտրաէներգիայի տնտեսման հարցերին:

Դասընթացի նպատակն է ուսանողներին ծանոթացնել ֆիզիկական երևույթների օրինաչափություններին, օրենքներին և տեսությանը, որը կնպաստի սովորողների ընդու­նա­կությունների հետագա բացահայտմանն ու զարգացմանը, նրանց աշ­խար­հայացքի և անձի  ձևավորմանը, ճանաչողական ունակությունների և տրամաբանական մտածողության զարգացմանը, հարակից առարկաների։

Դասընթացի նպատակն է ծանոթացնել ուսանողներին բետոնի և ամրանային պողպատի, ինչպես նաև երկաթբետոնի հիմնական ֆիզիկամեխանիկական հատկությունների ու երկաթբետոնի դիմադրության տեսության փորձարարական հիմունքների հետ: Բացի այդ, գիտելիքներ տալ երկաթբետոնե կոնստրուկցիաների աշխատանքի և հաշվարկի առանձնահատկությունների վերաբերյալ դրանց ծռման, սեղմման, ձգման ու ոլորման աշխատելու պայմաններում:

Դասընթացում դիտարկվելու են շինարարական նյութերի արտադրության տեխնոլոգիաները, դրանց հատկությունները և կիրառման ոլորտները։